கொரோனா பாதிப்பு ஹாங்காங், சிங்கப்பூரில் அதிகரித்து காணப்படும் நிலையில், இந்தியாவில் தற்போது, பல்வேறு மாநிலங்களில் கொரோனாவினால் பாதிக்கப்பட்டோர் எண்ணிக்கை அதிகரித்து வருகிறது. மத்திய அரசின் தகவலின்படி நாடு முழுவதும் 257 பேர் பாதிக்கப்பட்டு சிகிச்சை பெற்று வருகின்றனர். அதிகபட்சமாக கேரளாவில் 95 பேர், தமிழகத்தில் 66 பேர், மஹாராஷ்டிராவில் 56 பேர், கர்நாடகாவில் 13 பேர், புதுச்சேரியில் 10 பேர் சிகிச்சை பெற்று வருகின்றனர். தமிழகத்தில் கொரோனா பாதிப்பு உள்ளது. ஆனால், தீவிர பாதிப்பை ஏற்படுத்தும் வகையில் இல்லை. தற்போது வீரியம் குறைந்த கொரோனா தொற்று பாதிப்புதான் உள்ளது. 'ஒமைக்ரான் வகை வைரஸ் உட்பிரிவுகளான ஜெ.என், 1 மற்றும் எக்இ.சி, ஆகிய தொற்றுகளே காணப்படுகின்றன. இந்நோயின் தாக்கம் மற்றும் இறப்பின் விகிதம் குறைந்தே காணப்படுகிறது. இருந்தாலும் பொது இடங்களில் முகக்கவசம் அணிதல், தொற்று தடுப்பு வழிமுறைகள் மற்றும் கடைபிடித்தல் அவசியம் ஆகும்.